Biorrefinería centralizada para a valorización de efluentes do sector transformador de pescado en forma de bioplásticos
O proxecto BioCenPlas ten como finalidade aproveitar os residuos orgánicos que xera a industria transformadora da pesca para obter bioplásticos, concretamente polihidroxialcanoatos (PHA). A substitución dos plásticos convencionais por bioplásticos reducirá significativamente o impacto ambiental actual destes materiais producindo tamén un beneficio social.
O sistema biotecnolóxico proposto no proxecto busca contribuir a mellorar a sostibilidade do sector da pesca diminuíndo a produción de residuos e o consumo enerxético, como se pretende nos proxectos financiados con fondos de resiliencia. BioCenPlas está financiado polos fondos da Unión Europea – Next Generation EU a través do Real Decreto 685/2021.
